ການສຶກສາດ້ານຄຼາໂຣແພຣກຕິກ ກັບ ການສຶກສາດ້ານການແພດ

ທ່ານໝໍດ້ານຄຼາໂຣແພຣກຕິກມີຄວາມຮູ້ດ້ານການແພດຫຼາຍປານໃດ? ຄວາມຈິງຂໍ້ນີ້ອາດຈະເຮັດໃຫ້ທ່ານປະຫຼາດໃຈ. ປັດຈຸບັນນີ້, ທ່ານໝໍດ້ານຄຼາໂຣແພຣກຕິກຈຳເປັນຕ້ອງມີການຝຶກອົບຮົມສະເພາະທາງໃນລະດັບສູງຈຶ່ງຈະສາມາດສຳເລັດການສຶກສາ ແລະ ໄດ້ຮັບໃບອະນຸຍາດຈາກສະຖາບັນດ້ານຄຼາໂຣແພຣກຕິກໄດ້ ເຊິ່ງຄ້ອນຂ້າງຄ້າຍຄືກັນກັບສະຖາບັນດ້ານການແພດ, ໂດຍສະເພາະຊ່ວງ 2 ປີທຳອິດຂອງຫຼັກສູດ 4 ປີນັ້ນ. ຫຼັກສູດຄຼາໂຣແພຣກຕິກປະກອບດ້ວຍການສຶກສາວິຊາຊີບ 4 ປີ ຫຼັງຈາກຈົບການສຶກສາລະດັບປະລິນຍາຕີ 4 ປີ. ການສຶກສາດ້ານຄຼາໂຣແພຣກຕິກໃຊ້ເວລາໃນການສຶກສາສະເລ່ຍທັ້ງໝົດ 4,822 ຊົ່ວໂມງ, ໂດຍຕັ້ງແຕ່ 4,400 ຊົ່ວໂມງ ຮອດ 5,220 ຊົ່ວໂມງແມ່ນໄດ້ສຶກສາໃນວິທະຍາໄລ 16 ແຫ່ງ. ເຊິ່ງໄດ້ລວມມີຊົ່ວໂມງສະເລ່ຍປະມານ 1,975 ຊົ່ວໂມງໃນສາຂາຄລີນິກວິທະຍາ ແລະ 1,045 ຊົ່ວໂມງກັບການຝຶກງານໃນຄລີນິກ. ຊົ່ວໂມງຂັ້ນຕໍ່າສໍາລັບການຮັບຮອງໂດຍສະພາການສຶກສາຄຼາໂຣແພຣກຕິກແມ່ນ 4,200 ຊົ່ວໂມງ. ທ່ານໝໍດ້ານຄຼາໂຣແພຣກຕິກແມ່ນໄດ້ຮັບການຝຶກອົບຮົມມາເປັນຢ່າງດີເພື່ອສົ່ງຕໍ່ໄປຍັງຜູ້ເຂົ້າມາຮັບບໍລິການດ້ານສຸຂະພາບໃນຄລີນິກ. ດ້ວຍເຫດນີ້ການຝຶກອົບຮົມຂອງຄຼາໂຣແພຣກຕິກຈຶ່ງກວມເອົາບັນດາຫຼັກສູດຕ່າງໆເຊັ່ນ: ລະບົບຫົວໃຈ, ລະບົບທາງເດີນອາຫານ, ສູຕິສາດ, ນາລີເວດວິທະຍາ ແລະ ພະຍາດວິທະຍາ ແລະ ອື່ນໆອີກ.